AFN
Home     Newsletter     Contact Us

Our Programs

हिलकोर-1

Back to the listing
View Program Details

Hilkor Episode -104

Hilkor Episode -103

Hilkor Episode -102

रामके देहान्त भेलाके कारण कृष्णाके घरमे शोग छै । रधिया आ कृष्णा शोकाकुल छै । अञ्जनी सबके सान्त्वना दै छै । कृष्णा आ रधिया आगाके भविष्यके लऽ कऽ चिन्तित रहै छै । उदगार सियाबतीसँ भेट करऽ जाइ छै । ओ सियाबतीके जयराम आ सम्तोलीयाके नयाँ व्यापारके बारेमे कहै छै । ओ सियाबतीके जयराम आ सम्तोलीयाके फिर्ता बजा लेबऽ लेल सेहो कहै छै । करिमा नयाँ कन्ट्राक्ट भेटऽके खुशी घरमे छै । सब ई खुशीके मनबै छै । करिमाके मेहनतके सब प्रशंसा करै छै । की सियाबती जयराम आ सम्तोलीयाके फिर्ता बजेतै ? रामके मृत्यु कृष्णा आ रधियाके जीवनमे केहन प्रभाव पारतै ? सुनु हिलकोरक नव अङ्कमे ।

Hilkor Episode -101

जयराम आ सम्तोलीया अपन नयाँ घरमे आबि गेल छै । ओ सब उदगारसँगे नयाँ व्यापार लेल छलफल करै छै । उदगार पुछै छै जे पाइके व्यवस्था भऽ गेल छै ? उदगार इहो कहै छै जे घरमे सियाबती एसगरे छै । जयराम आ सम्तोलीयाके सियाबती लङ चलि जाएके चाही । जनार्दनलेल केयो चिठ्ठी छोरिकऽ गेल छै । रागिनीके हाथमे केयो चिठ्ठी देने रहै छै । राम भोरेसँ घर पर नइ छै । अञ्जनी किछु बात सुनने छै जाहि लऽ कऽ ओ राम लेल चिन्तित छै । अञ्जनी की सुनने छै ? ओ किया चिन्तित छै ? राम कत्त गेल छै ? जनार्दनके चिठ्ठी के पठेने छै ? चिठ्ठीमे की लिखल छै ? कि जयराम आ सम्तोलीया सियाबती लङ जेतै ? सुनु हिलकोरक नव अङ्कमे ।

Hilkor Episode -100

जनार्दन अस्पतालमे भर्ना भेल छै । रागिनी सेहो नैहरसँ जनार्दन लङ फिर्ता आबि गेल छै । जनार्दनके रहिम अस्पताल लऽ कऽ आएल रहै छै । अहि बीचमे डाक्टर अबै छै आ जनार्दनके किछु गम्भीर बात कहै छै । रञ्जितसँगे मारापिटीके बाद मनोहर पुलिस चौकीमे छै । पुलिस मनोहरसँगे पुछताछ करै छै । मनोहरके बचावके लेल गौतम आ काशिराम सेहो ओत्त अबै छै । जयरामके घर छोरिकऽ गेलाके बाद प्रमिला आ सियाबतीमे झगडा भऽ जाइ छै । प्रमिला सियाबतीपर अपन जीवन बर्बाद करऽके आरोप लगबै छै । ओ सियाबतीसऽ पुछै छै जे आब ओकरा सऽ के विवाह करतै ? ओ सियाबती सऽ अपन जीवन बर्बाद करऽके हर्जाना मँगै छै । प्रमिलाके सियाबतीसऽ केहन हर्जाना चाही ? मनोहर पुलिस चौकीमे की जबाब देतै ? की सरिताके मृत्युके बात सेहो उठतै ? डाक्टर जनार्दन आ रागिनीके की कहै छै ? सुनु हिलकोरक नव अङ्कमे ।

मनोहर कहुना कऽ रञ्जितसऽ दहेज बला मोटरसाइकल फिर्ता लैयेकऽ रहब से जिद रखने छै । ओ रञ्जितसऽ मोटरसाइकल लेबऽ रञ्जितके कलेजमे पहुँचि गेल छै । राम सेहो कृष्णा पर पिताएल घर अबै छै । तारी पी कऽ आएल राम कृष्णा पर पोखरि जाए लेल फेरसँ दबाब दै छै । लेकीन कृष्णा नइ मानै छै । गुण्डा सबसँ बचैत जनार्दन रहिमके रिक्सा पर चढि जाइ छै । ओ रहिमके रिक्सा जल्दी जल्दी भगाबऽ लेल कहै छै । ओकरा पाछा मोटरसाइकल पर गुण्डासब लागल छै । की जनार्दन गुण्डा सबसँ बचि जेतै ? या ओकरा ओसब पकरि लेतै ? रामके जिद आ कृष्णाके अडान आगा की सब करेतै ? रञ्जितके कलेजमे मनोहरके जेनाइ उचित छलै ? रञ्जित आ मनोहर एक दोसर सँगे केहन व्यवहार करतै ? सुनु हिलकोरक नव अङ्कमे ।

 

दौड प्रतियोगितामे अलका अपन स्कुलमे पहिल भेल छै । अलकाके मेडल आ इनाम स्वरुप किछु रुपैयाँ सेहो भेटल छै । अलका इहो कहै छै जे ओकर स्कुलके मास्टरके कहब छै जे अलका खेलकुदमे बहुत आगा तक जा सकैय । जयराम आ सम्तोलीया घर छोडलाके बाद उदगार ओहिठाम छै । ओ सब आगाके योजना बनबै छै । जयराम आ सम्तोलीया दुनु छोटछिन व्यापार सुरु करबाक इच्छा व्यक्त करै छै । काशिराम आ मनोहरके फूलबटिया गाममे सरिताके घरबला रञ्जित नजर आबि जाइ छै । रञ्जितके देखते रञ्जितके ससुर मनोहर पित्त सँ अन्हरा जाइ छै । मनोहर रञ्जितसँगे केहन व्यवहार करतै ? जयराम आ सम्तोलीया अपन नव गृहस्थी आ व्यापार सुरु कऽ सकतै ? कृष्णा आ रधियाके अलकाके खेलकुदमे भऽ रहल झुकाव नीक लगतै ? सुनु हिलकोरक नव अङ्कमे ।

सियाबती आ प्रमिला खीर बनबै छै । सियाबती सम्तोलीयाके खीर खुआबऽ चाहै छै लेकीन जयराम सम्तोलीयाके नइ खाय दै छै । मुस्तकिम रहिम आ करिमासँ बहुत खुश छै । ओ नजमा आ सलाउद्दिनके निकाहके लेल रहिमसऽ बात करै छै । राम अञ्जनीके झलकके बारेमे सोचि सोचि कऽ उदास नइ होबऽ लेल कहै छै । ओ अञ्जनीके समझबै छै जे बेटीसब एहने होइ छै । बेटीके पढाकऽ कहियो किछु नीक नइ भेलैय । की अञ्जनी आब रामके बातके विश्वास करतै ? सलाउद्दिन नजमा सऽ निकाह करऽ लेल तैयार छै ? जयराम किया सम्तोलीयाके खीर नइ खाए देलकै ? सुनु हिलकोरक नव अङ्कमे ।

जनार्दनके पैसाके बहुत आवश्यकता छै । ओ रहिम लङ पैसाके ताकेता करै छै । ओ इहो कहै छै जे पैसा नइ भेटलै तऽ ओकर जान पर बनि सकैय । गौतम हिम्मत कऽ कऽ शिल्पाके अपन मोनके बात कहि दै छै । शिल्पासँ ओ अखनो प्रमे करै छै आ ओकरासँगे अपन जीवन बिताबऽ चाहै छै से कहै छै । सियाबती सम्तोलीयाके सब दिनलेल अपन रस्तासँ हटाबऽ के योजना बनबै छै । ओ प्रमिलाके अपन योजनामे साथ देबऽ लेल कहै छै । सियाबती की करऽ चाहै छै ? शिल्पा गौतमके की जबाब देतै ? रहिम जनार्दनके पैसा देतै ? सुनु हिलकोरक नव अङ्कमे ।

काशिरामके शिल्पा आ गौतमके भेट भेल छलै से बात मालुम परि जाइ छै । काशिरामके गामक लोक कहै छै जे शिल्पा आ गौतम मोटरसाइकलपर सँगे छलै । काशिराम शिल्पासऽ अहि विषय पर पुछै छै । राम फेरसँ कृष्णा रधिया पर पोतालेल दबाब दै छै । ओ कृष्णा आ रधियामे सऽ एक गोटेके पोखरि पर जायलेल कहै छै । करिमा रहिमलङ सलाउद्दिनसऽ नजमाके निकाहके चर्चा करै छै । रहिम सलाउद्दिनसऽ बात करब से कहै छै । की नजमा आ सलाउद्दिनके निकाह हेतै ? कृष्णा या रधिया रामके कहल पोखरिपर जाय लेल तयार हेतै ? काशिराम आब शिल्पाके की कहतै ? सुनु हिलकोरक नव अङ्कमे ।

कृष्णा आ झलक अञ्जनीके झलकके विवाहमे आशिर्वाद देबऽ जाय लेल कहै छै । लेकीन अञ्जनी नइ मानै छै । सियाबती प्रमिलाके जयरामके सब बात कहि देलकै कहिकऽ डँटै छै । इम्हर प्रमिला सियाबती पर व्यङ्य करै छै जे सियाबती ओकरा कैला अनलकै, जखन जयराम सम्तोलीयाके छोरबे नइ करतै । सियाबती सम्तोलीयाके समाधान निकालऽ परतै से योजना बनबै छै । शिल्पा आ गौतमके भेट होइ छै । दुनु गपशप करै छै । सँगे बैसकऽ नास्ता करै छै । गौतमसँगे शिल्पाके भेटघाट फेर सऽ शिल्पालेल कोनो समस्या ठार करतै ? सियाबतीके दिमागमे की चलिरहल छै ? अञ्जनी झलक आ उदगारके विवाह स्विकार करतै की नइ ? सुनु हिलकोरक नव अङ्कमे

Hilkor Episode -92

 

Hilkor Episode -91

 

Hilkor Episode -90

Hilkor Episode -89

Hilkor Episode -88

Hilkor Episode -87

Hilkor Episode -86

राम अपन नाती राहुलके देखऽ पिपहिया गेल छै । ओकर भेट सियाबती सऽ होइ छै । सियाबती राम सऽ कृष्णा आ रधियाके बारेमे पुछै छै । रामके पोता मरि गेलै अहि बात पर सियाबती चुटकी सेहो लै छै । सियाबती रामके पोता लेल एकटा उपाय सुझबै छै । जयराम आ सम्तोलीया अस्पतालमे राहुलसँगे छै । जयराम सम्तोलीयाके ओकरासँगे पिपहियामे रहऽ लेल मनबै छै । ओ सम्तोलीयाके राहुलके भविष्य आ खुशीके वास्ता सेहो दै छै । लेकीन सम्तोलीया प्रमिला पर प्रश्न उठबै छै । इम्हर शिल्पा आ गौतम सरिताके बारेमे बात करै छै । गौतम शिल्पाके सरिता आ ओकर घरबला रञ्जितके बारेमे बहुत बात कहै छै । शिल्पा गौतमके बात सब सुनिकऽ हैरान रहि जाइ छै । गौतमके सरिता आ ओकर घरबलाके बारेमे की सब बुझल छै ? ओ शिल्पाके की बातसब कहै छै ? सम्तोलीया जयरामके बात मानिकऽ सासुर जेतै ? या ओकरा दुनुबीच प्रमिला आइब जेतै ? सियाबती रामके की उपाय बतोने छै ? सुनु हिलकोरक नव अङ्कमे ।

Hilkor Episode -85

राहुल अस्पतालमे छै । सियाबती, जयराम आ उदगार सेहो अस्पतालमे छै । राहुलके अपरेसन केनाइ जरुरी रहै छै आ ताहिके लेल खुनके व्यवस्था करऽ लेल डाक्टर कहै छै । इम्हर राहुलके ब्लडग्रुप सम्तोलीया सऽ मिलै छै ई बात जयरामके बुझल छै । जयराम सम्तोलीयाके नरेनपुर सऽ बजाबऽके बात करै छै लेकीन सियाबती मना कऽ दै छै । रुकैया आ करिमा सलाउद्दिनके बात करै छै । रुकैया कहै छै जे ओकरा सलाउद्दिन नीक लगै छै । करिमा कहै छै जे ओकरो सलाउद्दिन नीक लगै छै । इम्हर कृष्णा आ रधिया अपन सामान्य जिन्दगीमे फिर्ता आबि गेल छै । राम सेहो धिरे धिरे स्वस्थ्य भऽ रहल छै । लेकीन अञ्जनीके परिवारमे दिक्कत आरो बढिते जा रहल छै । उदगारके लऽ कऽ अञ्जनी आ झलक बीचके तनाव कम नइ होइ छै । अञ्जनी कृष्णा आ रधियाके आगा फेरसँ ई बात दोहरबै छै जे ओ झलक आ उदगारके सम्बन्ध स्विकार नइ करतै । अञ्जनीके जिदपर कृष्णा आ रधिया की प्रतिक्रिया देतै ? रहिमके परिवारमे सलाउद्दिनके चर्चा किया भऽ रहल छै ? सम्तोलीया अस्पताल एतै की नइ ? सुनु हिलकोरक नव अङ्कमे ।

सलाउद्दिन रहिमके परिवारके लोकसँगे नीक जँका घुलमील गेल छै । सलाउद्दिनके अबाईसँ रहिमके घरके सब लोक खुश छै । सरिताके सासुरके लोक मनोहरके बिना कहने सरिताके संस्कार कऽ देलकै ई बात सऽ फूलबटियामे सब अचम्भीत छै । काशिराम सरिताके सासुरके लोक पर प्रश्न उठबै छै । मनोहरके जेठकी बेटी संगिता सरिताके मृत्यु संजोग नइ भऽ ओकर सासुरके लोकके आ मनोहरके गल्ती रहल कहै छै । प्रमिला आ राहुल सियाबतीके दोकान सऽ घर जाय लेल निकलै छै । प्रमिला राहुलके नीक सऽ नइ सम्हारै छै आ सडक पर राहुलके एक्सीडेन्ट भऽ जाइ छै । सियाबतीके आँखिक सोझामे भेल ई एक्सीडेन्टके बाद आब सियाबती की करतै ? संगिता अपन बाबु मनोहर पर सरिताके मृत्युके दोष किया लगबै छै ? रहिमके परिवारमे धिरे धिरे आबि रहल ई खुशीसभ आगा आरो केहन रङ लेतै ? सुनु हिलकोरक नव अङ्कमे ।

मनोहरके बेटी सरिताके मृत्यु भऽ गेलै । मनोहरके घरमे सब शोकाकुल छै । कोइलीदेवी बेहाल भऽ कनै छै । सरिताके सासुरके लोकके अजिब व्यवहारसँ सब संशकित छै । पोताके मृत्युके शोगमे राम सेहो उदास छै । अलका बाबाके मनाबऽ आ हँसाबऽके प्रयासमे छै । अलका रामके कहै छै जे ओ रामके नाम रोशन करतै । ओ कुलके दिपक बनतै । इम्हर सलाउद्दिन रहिमसँ भेट करऽ रहिमके गाम आएल छै । दुनु दोस्त अपन अपन हाल सुनबै छै । रहिमके अवस्था देख सलाउद्दिन बहुत उदास होइ छै । रहिम आ सलाउद्दिनके दोहरा कऽ भेल भेट की दुनुके दोस्ती आरो प्रगाढ बनेतै ? राम पोता मोहसँ बाहर निकैल कऽ अपन पोतीके कुल दिपक स्विकार करतै ? सरिताके मृत्यु स्वभाविक छलै या कोनो घटनाके परिणाम ? सुनु हिलकोरक नव अङ्कमे ।

रधिया अपन बेटाके शोगमे उदास छै । कृष्णा ओकरा समझबै छै जे, जे चलि गेलै ओ फिर्ता नइ एतै । कृष्णा अपन दुनु बेटीके भविष्यके चिन्ता करऽ लेल रधियाके कहै छै । इम्हर प्रमिला सियाबतीके कहै छै जे जयराम ओकर नजदीक नइ आबऽ चाहै छै । प्रमिला अहि बातसँ उदास छै जे जयराम ओकरामे कोनो रुचि नइ देखबै छै । सियाबती प्रमिलाके दिमागसऽ काज लेबऽ के सल्लाह दै छै । लेकीन जयराम प्रमिला पर तम्साएल छै । उदगार सऽ ओकरा मालुम परल छै जे प्रमिला राहुलके ध्यान नइ रखै छै । अहि बातके लऽ कऽ जयराम सियाबती आ प्रमिला दुनुके बात कहै छै । मनोहर आ कोइलीदेवी अपन बेटा बिट्टुके विवाह लेल लडकी देख रहल छै । कोइलीदेवी शशिकलाके एकटा लडकीके फोटो देखबै छै । शशिकला कोइलीदेवीके पैसाके पाछा नइ जा, नीक लडकी देख बेटाके विवाह करबाक सल्लाह दै छै । इम्हर कोइलीदेवीके जेठकी बेटी संगिता फोन करै छै आ कोइलीदेवीके कहै छै जे सरिताके गम्भीर अवस्थामे पिपहिया अस्पताल लाएल गेल छै । सरिताके की भेल छै ? जयराम प्रमिलाके जालमे फँसतै ? की कृष्णा बेटाके मोहसँ बाहर निकैल गेलै ? सुनु हिलकोरक नव अङ्कमे ।

प्रमिला राहुलके नरेनपुर सम्तोलीयालङ छोरि आबऽ के सल्लाह यरामके दै छै । जयराम ई बात सुनिकऽ पिता जाइ छै । प्रमिला कहै छै जे ओ राहुलके नीक लेल कहि रहल छै । जयराम प्रमिलाके कहै छै जे ओ राहुलके ध्यान नइ राखि सकैय तऽ अहि घरमे कैला छै ? रहिम रिक्सा किनकऽ घर अबै छै । घरके लोक सब रिक्सा देख कऽ खुश होइ छै । रुकैया पुछै छै जे रिक्सा किनऽ लेल पाइके जोगार कत्त सऽ केलकै ? इम्हर अपन आ झलकबीचके सम्बन्धके भविष्यके लऽ कऽ चिन्तित उदगार झलकसँ पुछै छै जे ओ सब विवाह कहिया करतै ? झलक कहै छै जे ओ अपन बाबुजीके इच्छाके विपरित नइ जेतै । उदगार झलकके बातसँ बहुत परेशान भऽ जाइ छै । की अञ्जनी झलक आ उदगारके विवाह लेल स्विकृति देतै ? रहिम रिक्सा किनऽ लेल पाइके जोगार कत्त सऽ केलकै ? प्रमिलाके राहुलप्रतिके व्यवहार ओकरा कत्त पहुँचेतै ? सुनु हिलकोरक नव अङ्कमे ।

रहिम मुस्तकिमके कहै छै जे ओ अपन रिक्सा किनऽ चाहै छै । अपन रिक्सा किन लेतै तऽ रिक्सा सीखऽमे नीक रहतै । मनोहर काशिरामके शिल्पाके स्कुलमे फेरसँ भर्ना करऽ लेल डँटै छै । मनोहर अपन बेटी सरिताके सासुरमे की सब भोगऽ परि रहल छै सेहो कहै छै । काशिराम मनोहरके सरितापर ध्यान देबऽ लेल समझबै छै । प्रमिलाके राहुलप्रतिके खराब व्यवहार सियाबती देख लै छै । ओ प्रमिलाके डँटै छै आ घर सऽ निकालि देबऽ के धम्की सेहो दै छै । की राहुल सियाबती आ प्रमिलाबीचके एकता तोरि देतै ? काशिराम आ मनोहरके फरक फरक विचार ओकर सबके मित्रतापर कोनो असर करतै ? रहिम रिक्सा किनऽ लेल पैसाके व्यवस्था कऽ सकतै ? सुनु हिलकोरके नव अङ्कमे ।

शशिकला आ मनोहरके कनियाँ कोइलीदेवी सरिताके बारेमे बतियाइ छै । कोइलीदेवी कहै छै जे सरिताके सासुरमे बड दुःख छै । शिल्पा कहै छै जे ओ सरिताके बहुत बेर फोन केलकै लेकीन सरिता फोन नइ उठबै छै । कोइलीदेवी सरिताके घरबलाके बारेमे किछु कहै छै जे सुनिकऽ शिल्पा आ शशिकला अवाक रहि जाइ छै । कृष्णाके बेटा नइ बाँचि पबै छै । कृष्णाके बेटाके शोगमे पुरा परिवार दुःखी छै । जनार्दनके काज आ बढि रहल डरके कारण रागिनी चिन्तित छै । ओ जनार्दनके काज छोरऽ लेल या ओकरा छोरऽ लेल कहै छै । जनार्दन सब ठीक भऽजेतै कहिकऽ रागिनीके समझबै छै । लेकीन रागिनी नइ मानै छै । ओ घर छोरिकऽ नैहर जाएके तैयारी करऽ लगै छै । की रागिनी सचमे जनार्दनके छोरिकऽ नैहर चलि जेतै ? कृष्णााके परिवार केहन विपतिसऽ लडि रहल छै ? सरिताके घरबला रञ्जीतके बारेमे कोइलीदेवी की कहलकै ? सुनु हिलकोरक अगिल्का अङ्कमे ।

अञ्जनी कृष्णाके बेटाके हालखबर बुझऽ लेल कृष्णा ओहिठाम जाइ छै । कृष्णा आ राम दुनु ओहि ठाम छै । कृष्णा कहै छै जे बच्चाके हालत गम्भीर छै । राम बहुत विचलित रहै छै । अपन पोताके खराब स्वास्थ्यके कारण ओ बहुत परेशान रहै छै । अञ्जनी दुनुके भरोस दियबै छै जे सब ठीक रहतै । उदगार जयरामके कहै छै जे ओ नोकरी ताकि रहल छै । ओ जयरामसऽ प्रमिलाके बारेमे सेहो बात करै छै । उदगार कहै छै जे प्रमिलाके व्यवहार ओकरा नइ नीक लगै छै । उदगार जयरामके सुनबै छै जे जयरामके अनुपस्थितिमे प्रमिला राहुलके डँटै आ पिटै छै । काशिराम शिल्पाके लऽ कऽ स्कुल जाइ छै । ओ शिल्पाके स्कुलके बितल दिनसब याद करऽ लेल कहै छै । शिल्पा पुछै छै जे काशिराम ओकरा स्कलुलङ कैला अनलकै । काशिराम कहै छै जे ओ चाहै छै शिल्पा फेरसँ स्कुल जेनाइ आ पढनाइ सुरु करे । शिल्पा फेरसँ अपन पढाइ सुरु करतै ? जयरामके प्रमिला आ सियाबतीके वास्तविकता मालुम परतै ? कृष्णाके बेटा ठीक हेतै ? सुनु हिलकोरक नव अङ्कमे ।

प्रमिला फेरसँ सियाबती लङ राहुलके शिकायत करै छै । ओ कहै छै जे राहुल ओकर बात कनिको नइ मानै छै आ जखन तखन ओकरासँ झगडा करैत रहै छै । रहिम अपन परिवारके अपन भविष्यक योजना सुनबै छै । ओ कहै छै जे ओकरा रिक्सा चलाबऽके मोन छै । रहिमके बात सुनिकऽ मुस्तकिम आ रुकैया आश्चर्यचकित रहिजाइ छै । ओ सब पुछै छै जे कटल हातसऽ रहिम केना रिक्सा चला सकतै ? कृष्णाके बेटा बहुत बिमार छै । राम कृष्णापर ओकर पोताके बिगरल हालतके दोष लगबै छै । रधिया सेहो अपन बेटाके बिगर हालतके दोष कृष्णाके दै छै । सब बच्चाके अस्पताल लजाएके तयारी करै छै । मुदा कृष्णालङ पैसाके तंगीके समस्या छै । कृष्णाके बच्चासँगे आगा की हेतै ? रहिमके दिमागमे की चलिरहल छै ? प्रमिला सियाबतीके राहुलके विरुद्ध भडका सकतै ? सुनु हिलकोरक नव अङ्कमे ।

जनार्दन आ रागिनी मे जनार्दनके काजके लऽ कऽ बहस होइ छै । रागिनी जनार्दनके पुछै छै जे ओ कोन काज करै छै जे सौंसे गाम ओकरा आ ओकर परिवारके गारि पढै छै । ओ इहो कहै छै जे गामक लोकसब रहिमके हालतके जिम्मेवार जनार्दनके कहै छै । रागिनी जनार्दनके काज छोरऽ लेल या ओकरा छोरऽ लेल कहै छै । काशिराम आ शशिकला शिल्पाके फेरसँ स्कुल पठाबऽ चाहै छै । लेकीन शिल्पा स्कुल जाएसँ मना कऽ दै छै । ओ कहै छै जे आब ओ नइ पढि सकैय । ओ इहो कहै छै जे गामक लोकसब ओकरा माथ उठाकऽ चलऽ नइ देतै । सियाबती प्रमिलाके राहुलके बढियाँ जँका ध्यान राखऽ लेल कहै छै । प्रमिला कहै छै जे राहुल बदमास छै आ प्रमिलाके बात नइ मानै छै । प्रमिलाके मुँहसँ राहुलके शिकायत जयराम सुनि लै छै आ ओ पिताइ छै । जयराम अपन बेटालेल सम्तोलीयाके फिर्ता अनतै ? काशिराम अपन बेटीके स्कुल जाए लेल केना मनेतै ? जनार्दन काज आ कनियाँमेसँ ककरा छोरतै ? सुनु हिलकोरक नव अङ्कमे ।

काशिराम आ शशिकला शिल्पाके भविष्यके लऽ कऽ चिन्तित रहै छै । दुनु शिल्पाके आगा की करबाक चाही ओहि बारेमे विचार करै छै । काशिराम गामक लोकसबके बातसऽ परेशान रहै छै मुदा शशिकला समाजके बात नइ सुनि बेटीके भविष्यके बारेमे सोचऽ लेल आग्रह करै छै । रामके अपन पोताके खेलबैत देखि अलका पुछै छै जे राम अलकाके सेहो छोटमे खेलेने रहै की नइ । राम कहै छै जे ओकर पोता ओकर कुलदिप छै । अलका कहै छै जे ओहो अपन कुलके नाम रोशन करतै । हात कटेलाके बाद रहिम अपन व्यक्तिगत काज करऽ लेल असमर्थ भऽ गेल छै । ओकर असमर्थता देख कऽ करिमा बहुत दुःखी छै । रहिम आ करिमा दुनु एक दोसरके ढाढस दै छै । रहिम आ करिमाके जीवन आगा केना चलतै ? अलकाके बात राम कहियो बुझि सकतै ? शिल्पाके लेल काशिराम आ शशिकला की निर्णय लेतै ? सुनु हिलकोरक नव अङ्कमे ।

झलक अञ्जनीके कहै छै जे कृष्णाके बेटाके स्वास्थ्य अवस्था चिन्ताजनक छै । अञ्जनी कृष्णाके बेटाके लेल चिन्तित होइ छै । अञ्जनी आ झलकमे फेरसऽ उदगारके बात होइ छै । अञ्जनी झलकके आगा अपन विवशता प्रकट करै छै आ झलकके एकबेर फेरसऽ सोचऽ लेल कहै छै । जयराम अपन बेटा राहुलके अपन गाम पिपहिया फिर्ता आनऽ नरेनपुर जाइ छै । लेकीन सम्तोलीया अपन बेटाके जयरामसँगे पठाबऽ सऽ मना कऽ दै छै । कृष्णा सम्तोलीयाके राहुलके जाय देबऽ लेल समझबै छै । मनोहर शिल्पाके सासुर कहिया फिर्ता जेतै पुछै छै । शशिकलाके मनोहरके बात पसन्द नइ परै छै आ शशिकला आ मनोहरमे शिल्पाके सासुर पठाबऽ के बात पर बहस भऽ जाइ छै । की काशिराम जकाँ शशिकला सेहो मनोहरके बात मानि लेतै ? सम्तोलीयाके अपन बेटाके जयरामसँगे पठाबऽ चाही की नइ ? अञ्जनी आ झलकमे सऽ के अपन जिदसऽ पाछा हटतै ? सुनु हिलकोरक नव अङ्कमे ।

सियाबती आ उदगार जयराम पर राहुनले आनऽके दबाब दै छै । सियाबती कहै छै जे ओकरा पोता बिनु मोन नइ लगै छै । उदगार राहुल आ सम्तोलीया दुनुके आनऽ लेल जयरामके कहै छै । जनार्दन रहिमके देखऽ ओकरा ओहिठाम अबै छै । मुस्तिकम आ रुकैया जनार्दनके बात सुनबै छै । ओसब रहिम आ ओकर परिवारके हालतके जिम्मेवार जनार्दन रहल बात कहै छै । झलक आ रधिया अस्पतालसऽ रधियाके बच्चाके देखाकऽ आएल छै । झलक रधियाके कहै छै जे बच्चाके हालत नाजुक छै आ ओकर विशेष खयाल राखऽ परतै । झलक अपन आ उदगारके प्रेम सम्बन्धके लऽ कऽ चिन्तित सेहो रहै छै । रधियाके बच्चाके स्वास्थ्यमे केना सुधार एतै ? जनार्दन रहिम आ ओकर परिवारके आरोपपर की प्रतिक्रिया देतै ? सम्तोलीया अपन बेटाके जयरामसँगे पठेतै ? सुनु हिलकोरक नव अङ्कमे ।

 

रहिम अपन घर आबि गेल छै । ओकर कटल हाथ देख कऽ ओकर घरके लोक दुःखी होइ छै । रहिमके अम्मी रुकैया खुब कनै छै । रहिम कहै छै जे ओकर अपन गलतीके कारण इ सब भेलै । मनोहर काशिरामके शिल्पाके सासुर पठाबऽ लेल कहै छै । काशिराम मना कऽ दै छै । मनोहर इहो कहै छै जे ओकर बेटी सरिता सेहो सासुरमे दुःखी छै । सरिता सेहो अपन बाबु मनोहरके ओकरा नैहर लऽ जाए लेल कहै छै । लेकीन मनोहर नइ जाइ छै । काशिराम मनोहरके समझबै छै जे ओकरा एकबेर सरितासऽ भेट कऽ लेबक चाही । सरिता मनोहरके बेटी छै । सियाबती प्रमिलाके कहै छै जे ओकरा जयरामके आरो नजदिक जाएके छै । ओ इहो कहै छै जे प्रमिलाके जयरामके बेटा राहुलके सेहो सम्हारऽ परतै । प्रमिला कहै छै जे ओ राहुलके ध्यान रखतै । की प्रमिला जयराम आ जयरामके बेटा राहुलके सम्हारि सकतै ? की मनोहरपर काशिरामके बातके असर हेतै ? की ओ अपन बेटी सरितासऽ भेट करऽ जेतै ? रहिम आब आगा की करतै ? सुनु हिलकोरक नव अङ्कमे ।

शिल्पा अपन नैहरमे छै । शिल्पाके माइबाबु ओकर हालतपर उदास छै । काशिरामके बेटीके बियाह कम उमेरमे करा देली कहिकऽ पछतावा होइ छै । ओ फेरसऽ शिल्पाके सासुर नइ पठेतै से अडान लै छै । कृष्णा आ रधियामे ओकर बच्चाके लऽ कऽ बहस होइ छै । रधिया कृष्णापर बच्चाके उचित लालनपालन नइ कऽ सकबाक आरोप लगबै छै । कृष्णा रधियाके समझबै छै जे बच्चाके उचित खानपान घरके सामानसऽ सेहो कएल जा सकैय । रहिमके एक्सिडेन्टसँ अन्जान ओकर परिवारके लोक रहिमलेल चिन्तित छै । रहिमके खोजखबर लेबऽ लेल विदेश फोन केलापर रहिमके अब्बु मुस्तकिमके एक्सिडेन्टके बारेमे मालुम परै छै । रहिमके परिवारके लोकके अवस्था की भेल हेतै ? कृष्णा आ रधियाके बच्चाके हालत केहन छै ? शिल्पाके जीवन आब कोन दिशामे जाए बला छै ? सुनु हिलकोरक नव अङ्कमे ।

रधिया आ झलक बच्चाके देबऽ बला खोप सबके बारेमे बात करै छै । झलक रधियाके समझबै छै जे बच्चाके कोन खोप कोन समयमे देबक चाही । रधिया उदगारके बारेमे सेहो बात करै छै । झलक कहै छै जे शायद ओकर बाबुजी नइ मानतै । प्रमिला जयरामके नजदिक आबऽके कोशिश करै छै । ओ जयरामके व्यक्तिगत काजसबमे सहयोग कऽ दै छै । जयराम ओकरा रोकऽ चाहै छै लेकीन ओ जिद करै छै । शिल्पासँगे ओकर सासुरमे भेल घटनाके बाद काशिराम आ शशिकला गगनपुर जाइ छै । शिल्पाके नैहर आ सासुरके लोकमे बहस भऽ जाइ छै । रुकैया आ मुस्तकिम सेहो ओत्त रहै छै । काशिराम कहै छै जे ओ अपन बेटी शिल्पाके ओत्त सऽ लऽ जेतै । की काशिराम अपन बेटी शिल्पाके नैहर लैयेकऽ जेतै ? प्रमिला जयरामके मोनमे अपनालेल जगह बना सकतै ? अञ्जनी झलक आ उदगारके सम्बन्धलेल अपन स्विकृति देतै ? सुनु हिलकोरक नव अङ्कमे ।

 

सियाबती आ प्रमिला जयरामके बारेमे बात करै छै । सियाबती कहै छै जे प्रमिलाके जयरामके नजदिक जाएलेल किछु करक चाही । ओ इहो कहै छै जे जयरामके फुसला सकतै तखने प्रमिला सियाबतीके पुतहु बनतै । प्रमिला सियाबतीके कहै छै जे जयराम ओकरा नजदिक आबहे नइ चाहै छै । सियाबती कहै छै जे जयराम अखनो सम्तोलीयाके याद करैत रहै छै । रहिम अपन हालतपर कनैत रहै छै । ओकरा ई बातके अन्देसा भऽ जाइ छै जे आब ओ नोकरी नइ कऽ सकतै । बिनितके सुपरभाइजर बजेने रहै छै । रहिम बिनितके सुपरभाइजर की कहलकै कहिकऽ पुछै छै । अञ्जनी आ झलक एकबेर फेरसँ उदगारके बारेमे बात करै छै । झलक अञ्जनीके उदगारके लेल मनाबऽ चाहै छै । ओ अञ्जनीके बस एकबेर उदगारसँ भेट कलेबऽ लेल कहै छै । अञ्जनी कहै छै जे उदगारसऽ भेट कऽ कऽ सेहो ओकर निर्णय नइ बदलतै । कि अञ्जनी उदगारसँ भेट करतै ? रहिमके नोकरीसऽ निकालि देतै ? प्रमिला जयरामके मोनमे अपनालेल प्रेम जगा सकतै ? सुनु हिलकोरक नव अङ्कमे ।

रहिम आ ओकर साथीसब कारखानामे काज कऽ रहल छै । काजक सुरमे सुरुआएल रहिमसँगे किछु घटना घटि जाइ छै । शिल्पा आ ओकर साउस बुधनीमे फेरसँ कहाकही होइ छै । बुधनी शिल्पाके डँटै छै आ खाना समय पर नइ बनेलक कहिकऽ हाथ दागि दै छै । रुकैया ई सब देख लै छै । जयराम अपन बेटा राहुलसँ बात करऽ लेल सम्तोलीयाके फोन करै छै लेकीन सम्तोलीया ओकर फोन नइ उठबै छै । बेटासँ बात करऽ लेल विचलित जयराम रधियाके फोन करै छै । रधिया कहै छै जे सम्तोलीया जयरामसऽ बात नइ करऽ चाहै छै । की सम्तोलीया जयरामसऽ बात नइ कऽ कऽ ठीक कऽ रहल छै ? शिल्पासँगे भऽ रहल व्यवहार अपना आँखि सऽ देखलाके बाद रुकैया की करतै ? रहिमसँगे केहन घटना घटल छै ? रहिमसँग घटल घटना संजोग मात्र छै या ओकर अपन गलती ? सुनु हिलकोरक नव अङ्कमे ।

 

बेदानन्द आ बुधनी शिल्पाके बिन्देसरसऽ झगडा करऽ लेल डँटै छै । बेदानन्द शिल्पाके कहै छै जे ओकरा कोन दुःख छै जे ओ बिन्देसरके नोकरीलेल कहै छै । शिल्पा कहै छै जे ओ खाली बिन्देसरके अपन जिम्मेवारीके एहसास कराबऽ चाहै छै । अञ्जनी कृष्णासऽ ओकर परिवारके बारेमे पुछै छै । ओ कहै छै जे आब तऽ राम बड खुश हेतै । ओकरा पोता भऽ गेलै । कृष्णा अञ्जनीके ओकर बेटाके नाम राखि देबऽ लेल कहै छै । अञ्जनी रामके इच्छासऽ अपन बेटाके नाम राखऽ लेल कहै छै । रहिम आनन्द आ बिनितसँगे बाहर घुमऽ जाए लागल छै । ओ लडकीसबके चक्करमे परिगेल छै । करिमा रहिमके फोन करै छै । लेकीन रहिम नीकसँ करिमासऽ बात नइ करै छै । की रहिम रस्तासँ भटैक रहल छै ? राम आ अञ्जनीके सम्बन्ध फेरसँ नीक बनतै ? की बिन्देसरके अपन जिम्मेवारीके एहसास हेतै ? सुनु हिलकोरक नव अङ्कमे ।

 

सम्तोलीया अपन भतिजाके तेल मालिस करै छै । ओ भजिताभेल खुशीमे किछु सनेस मँगै छै । कृष्णा आ रधिया ओकरा जल्दीए सनेस देबाक बात कहै छै । प्रमिला सियाबतीके घरके सब कामकाज सम्हारि देने छै । प्रमिलाके घरमे देखकऽ जयराम परेशान भऽ जाइ छै । सियाबती जयरामलङ प्रमिलाके खुब बडाई करै छै । लेकीन जयराम सियाबतीके समझबै छै जे प्रमिलाके नइ बजाबक चाही छलै । बेदानन्द अपन बेटा बिन्देसरपर खेतमे काज नइ करै छै तैला बजै छै । बिन्देसर कहै छै जे ओकरा खेतमे काज केनाइ पसन्द नइ छै । इम्हर शिल्पा आ बिन्देसर फेरसँ एकदोसरसऽ बात करै छै लेकीन ओकर सबके बातके कोनो निष्कर्ष नइ निकलै छै । की शिल्पा आ बिन्देसरके सम्बन्ध कहियो सुधरतै ? प्रमिलाके आनिकऽ सचमे सियाबती गलती केलकै ? कृष्णा आ रधियाके जीवन आब सब दिन एहने खुशहाल रहतै ? सुनु हिलकोरक नव अङ्कमे ।

सियाबती प्रमिलाके अपन घर लऽ कऽ जाए लागल छै । ओ प्रमिलाके सब किछु समझबै छै । प्रमिलाके अपन बेटा, पुतहु आ पोताके बारेमे सेहो कहै छै आ इहो कहै छै जे अगर प्रमिला नीकसँ रहतै तऽ ओकरा अपन घरके पुतहु सेहो बना लेतै । जनार्दनके मालुम परै छै जे रहिम विदेशसँ पैसा पठेने छलै । ओ मुस्तकिमसँ पैसा माँगऽ जाइ छै । मुस्तकिम पैसा देबऽ सँ मना कऽ दै छै । दुनुमे बहस होइ छै लेकीन करिमाके देखते जनार्दन अपन बातसँ पलटि जाइ छै । राम आ कृष्णा अस्पतालके खर्चासँ चिन्तित छै । दुनु अञ्जनीसँ पैसा माँगऽके सल्लाह करै छै मुदा राम कहै छै जे ओ पैसा माँगऽ नइ जेतै । राम किया नइ अञ्जनीसँ पैसा माँगऽ जाए चाहै छै ? की जनार्दनके नीयत खराब छै ? सियाबतीके मोनमे की छै ? सुनु हिलकोरक नव अङ्कमे ।

रहिम विदेशसँ पैसा पठबै छै । करिमा आ मुस्तकिम आइएमइसँ पैसा निकालि कऽ ई पैसाके की करऽके छै से छलफल करै छै । मुस्तकिम रहिमसऽ सेहो पुछै छै । करिमा रहिमके पुछै छै जे ई पैसा जनार्दनके देतै की नइ ? शिल्पा अपन नैहरसँ गगनपुर फिर्ता चलि जाइ छै । गगनपुरके बस स्टाण्डपर ठार शिल्पाके भेट गौतमसँ होइ छै । जयराम सियाबतीके कहै छै जे जहियासऽ सम्तोलीया गेलै कोनो काज समय पर नइ होइ छै । जयरामके समय पर खाना सेहो नइ भेटै छै आ ओकरा सब दिन स्कुललेल अबेर भऽ जाइ छै । सियाबती घरके काजमे सहयोग करऽ लेल प्रमिलाके आनऽके बात करै छै । प्रमिलाके नाम सुनिकऽ जयराम हिचकिचाइ छै । प्रमिलाके आनऽ पाछा सियाबतीके की उद्देष्य छै ? की गौतमके मोनमे अखनो शिल्पालेल प्रेम बाँकी छै ? रहिमके पठाएल पैसा करिमा जनार्दनके देतै ? सुनु हिलकोरक नव अङ्कमे 

काशिराम आ शशिकलामे शिल्पाके लऽ कऽ बहस भऽ जाइ छै । काशिराम शिल्पाके गगनपुर फिर्ता पठाबऽ चाहै छै लेकीन शशिकला बेटीके अखन गगनपुर पठाबऽके पक्षमे नइ छै । काशिराम आ शशिकलाके बहस शिल्पा सुनि लै छै । रधिया अस्पतालमे भर्ना भेल छै । डाक्टर रधिया आ ओकर बच्चाके अवस्था चिन्ताजनक रहल कहै छै । कृष्णा, राम, अञ्जनी, झलक सेहो अस्पतालमे छै । मुस्तकिम आ रुकैया रहिमके लऽ कऽ चिन्तित छै । करिमा जनार्दनबला बात घरमे सबके कहने छै । मुस्तकिम आ रुकैया जनार्दनके पाइ देबै की नइ ओहि बारेमे परेशान रहै छै । की रहिम सचमे जनार्दनसऽ पाइ देबऽ के सर्त कऽ कऽ गेल छै ? रधिया आ ओकर बच्चा सलामत रहतै ? शिल्पाके निर्णय की हेतै ? सुनु हिलकोरक नव अङ्कमे ।

रधियाके मोन बहुत खराप भेलाके कारण राम आधा रातिमे अञ्जनी ओहिठाम दौडैत दौडैत जाइ छै । अञ्जनी रामके सहयोगके आश्वासन दै छै । अञ्जनी आ झलक रामसँगे घरसऽ निकलै छै । जयराम दोकान बन्द कऽ कऽ घर आबि जाइ छै । सियाबती आ जयराममे काजके लऽ कऽ बाताबाती होइ छै । उदगार दुनुके समझबै छै जे सम्तोलीया रहितै तऽ एत्ते दिक्कत नइ होइतै । मनोहर काशिरामके कहै छै जे बेदानन्द ओकरा फोन केने छलै । ओ काशिरामके कहै छै जे बेदानन्द शिल्पालेल पुछै छलै । मनोहर काशिरामके शिल्पाके सासुर पठेतै की नइ से पुछै छै । ओ इहो कहै छै जे बेदानन्द सेहो इहे बात पुछै छलै जे काशिराम अपन बेटीके सासुर पठेतै की नइ । की काशिराम फेरसऽ शिल्पाके सासुर पठा देतै ? उदगारके बात जयराम आ सियाबतीके समझमे एतै ? रधियाके की भेल छै ? 

 

जयरामके बजारमे तरकारी लैत देख उदगारके शंका लगै छै । ओ सम्तोलीयाके बारेमे जयरामसऽ पुछै छै । जयराम कहै छै जे सम्तोलीया जयरामके माइ सियाबतीपर हाथ उठेलकै । जनार्दन अपनासँ उपरका हाकिमसबके पैसा नइ दऽ सकला कारण परेशान छै । ओकर परेशानी रागिनी देखै छै । रागिनीके पुछलापर जनार्दन कहै छै जे सहरके म्यानपावर बलाके पैसा ओकरा तिरऽके छै । लेकीन ओ सब पैसा जुआमे हारि गेलै । जनार्दन रागिनीके इहो कहै छै जे ओसब बहुत खतरनाक छै । सम्तोलीयाके हालत देखकऽ रधिया बहुत पछताइ छै । ओकरा ई बातके पछताबा होइ छै जे ओसब सम्तोलीयाके जबरदस्ती पिपहिया पठेने छलै । रधिया सम्तोलीयाके कहै छै जे नरेनपुर फिर्ता आबि कऽ ओ सही निर्णय लेलकै । इम्हर रधियाके दर्द सेहो बढैत जाइ छै । रधिया आ ओकर गर्भके बच्चापर फेरसँ कोनो संकट तऽ नइ एतै ? की जनार्दन म्यानपावरबलाके पैसा तिर सकतै ? की उदगार जयरामके समझा सकतै ?

  बसमे जनार्दनके भेट करिमासँ होइ छै । ओ करिमाके नजदिक आबऽके कोशिश करै छै । ओ करिमाके कहै छै जे रहिम अपन कमाई जनार्दनके देबऽके सर्त कऽ कऽ विदेश गेल छै । काशिराम अपन बेटी शिल्पाके फूलबटिया आनि लेने छै । काशिराम, शिल्पा आ शशिकला तीनु उदास छै । शिल्पा अपन घरबला बिन्देसर आ सासुरके आरो लोकसबके बारेमे कहै छै । शिल्पा काशिरामके आब सासुर नइ जाएब सेहो कहै छै । सियाबती आ सम्तोलीयामे फेरसँ झगडा होइ छै । सियाबती सम्तोलीयाके पिटऽ चाहै छै । सम्तोलीया सियाबतीके धकलि दै छै । तखने जयराम घर अबै छै । सियाबती जयरामके कहै छै जे सम्तोलीया ओकरा पिटलकै । की जयराम सच बात की छै से बुझि सकतै ? काशिराम शिल्पाके फेरसँ सासुर पठेतै ? जनार्दन कोन सर्तके बारेमे कहि रहल छै ? सुनु हिलकोरक नव अङ्कमे

 

काशिराम अपन बेटी शिल्पाके अस्पतालसँ लजाए चाहै छै । काशिरामके समधी बेदानन्द अस्पतालके बील तीरकऽ मात्रे शिल्पाके लजाए लेल कहै छै । काशिराम बेदानन्दके बातसँ बहुत आहत होइ छै । अञ्जनी रधियाके स्वास्थ्यके बारेमे कृष्णासँ पुछै छै । कृष्णा कहै छै जे पैसा अभावके कारण रधियाके इलाज सेहो बढियासँ नइ होइ छै । अञ्जनी कृष्णाके रधियाके इलाजके लेल पूर्ण सहयोग करबाक प्रतिबद्धता दै छै । रहिम विदेशमे चिरान मेसीनमे काठ कटैत रहै छै । लेकीन नीकसँ काज नइ सिखलाके कारण ओकर हाथ चिरान मेसीन भित्तर जाए लगै छै । आनन्द रहिमके हाथ खिँच लै छै आ ओकरा सचेत भऽ कऽ काज करऽ लेल कहै छै । रहिम आनन्दके कहै छै जे ओ काज नइ सिखने छै । आनन्द रहिमके बात सुनिकऽ अवाक रहि जाइ छै । रहिमके ई झुठ जे ओ काज सिखकऽ आएल छै, की ओकरा पर भारी परतै ? रधिया अहिबेर बेटाके जन्म देतै ? काशिराम आ बेदानन्दके परिवारमे द्वन्द्व तऽ नइ हेतै ?

 

 

अञ्जनी झलकसँ ओकर भावी योजनासब पुछै छै । झलक कहै छै जे ओ अखन पढाई आ अपन काजपर ध्यान दऽ रहल छै । अञ्जनी झलकसँ विवाहके लेल पुछै छै । मुदा झलक अखन नइ कहिकऽ टारि दै छै । अञ्जनी झलकके समझबै छै जे सबकिछु समय पर भजेबाक चाही । अञ्जनी झलकके कहै छै जे कोनो बात छै तऽ कहि देबऽ लेल । लेकीन झलक किछु नइ कहिकऽ टारि दै छै । जयराम सम्तोलीया पर फेरसँ पैसा लेल दबाब दै छै । ओ सम्तोलीयाके अपन नैहरसँ कहुना कऽ पैसा आनऽ लेल कहै छै । सम्तोलीया अपन बाबुलङ पैसा नइ रहल बात दोहरबै छै । जयराम अञ्जनी गिरहतसँ पैसा माँगिकऽ देबऽ लेल कहै छै । काशिराम अपन बेटी शिल्पासँगे अस्पतालमे छै । ओ शिल्पाके हालत देख पछताइ छै । शिल्पा बाबुके सब हाल सुनबै छै । ओ बाबुसऽ पुछै छै जे एते कम उमेरमे कैला ओकर बियाह करा देलकै । काशिरामके आगाके निर्णय की हेतै ? की जयराम सही कऽ रहल छै ? झलक किया अपन प्रेमके बारेमे अपन बाबुजीसँ नुकेलकै ? सुनु हिलकोरक अगिल्का अङ्कमे ।

 

 

सम्तोलीया नैहरसँ पाई लऽ कऽ नइ एलै । ताहि लेल जयराम परेशान छै । सियाबती जयरामके फेरसँ सम्तोलीयापर दबाब देबऽ लेल कहै छै । लेकीन जयराम सम्तोलीयाके बाबु लङ पाई नइ छै कहिकऽ टारै छै । सियाबती जयरामके कहै छै जे सम्तोलीयाके नैहर बलाके अपन जमीनो बेचकऽ पाई देबऽ परतै । करिमा आ नजमाके रस्तापर जनार्दन भेट भऽ जाइ छै । ओ दुनुके अपना मोटरसाइकल पर बैसऽ लेल कहै छै लेकीन करिमा मना कऽ दै छै । जनार्दनके केकरो फोन अबै छै । राम अञ्जनीसँ खिसियाएल रहै छै । अञ्जनीके पुछला पर राम कहै छै जे अञ्जनी ओकरा सब दिन किछु ने किछु सुनबै छै । अञ्जनी रामके समझबै छै जे ओ रामके परिवारके भलके लेल कहै छै । राम अञ्जनीपर व्यङ्य करैत कहै छै जे बेटीके पढाकऽ ककर भल भेल छै । रामके कहऽके तात्पर्य की छै ? जनार्दनके के फोन केने छलै । सियाबती जयराम आ सम्तोलीयाके सम्बन्ध बिगारि सकतै ? सुनु हिलकोरक अगिल्का अङ्कमे ।

विदेश गेल रहिम अपन साथीसभ सँगे रमऽके कोशिशमे लागि गेल अछि । ओ आनन्द आ बिनितसँगे रहि रहल छै । नया देश आ नया माहौलमे ओकर साथीसब ओकरा सहयोग कऽ रहल छै । ओ अपन बिबी करिमाके सेहो अपन काज आ अपन साथीसबके बारेमे कहै छै । इम्हर शिल्पाके दाईके देहान्त भऽ जाइ छै । शशिकला शिल्पाके फूलबटिया आबऽ लेल कहै छै । लेकीन शिल्पाके मोन बहुत खराप छै । जाहि कारण ओ अपन दाईके अन्तिम बेर देखऽ नइ जा सकै छै । ओ शशिकलाके कहै छै जे ओकरा तुरत्ते अस्पताल नइ लऽ जेतै तऽ ओ मरि जेतै । सम्तोलीया अपन नैहर नरेनपुरसँ सासुर पिपहिया फिर्ता आबि गेल छै । सम्तोलीयाके घरमे देख जयराम बहुत खुश होइ छै । लेकीन सम्तोलीया पैसा नय अनलकै ई बात सुनिकऽ जयराम फेरसँ तनावमे आबि जाइ छै । की जयराम पैसाके व्यवस्था कऽ सकतै ? शिल्पाके की भेल छै ? रहिम नया जगह आ नया काजके नीकसँ समैझ सकतै ?

बिन्देसर रातिमे पी कऽ आएल छै । ओ शिल्पासँगे जबरदस्ती शारिरिक सम्पर्क राखऽ चाहै छै । शिल्पा बिन्देसरके मना करै छै । शिल्पा कहै छै जे अखन ओ गर्भवती छै आ एहन हालतमे बिन्देसरके जबरदस्ती केनाइ बच्चाके लेल खतरनाक हेतै । शारिरिकसँ कमजोर रधियाके ओकर बेटी अलका घरक कामकाजमे हाथ बँटा दै छै । अलका रधियाके पुछै छै जे फुआ सम्तोलीयाके किया जाए देलकै । रधिया समझबै छै जे सम्तोलीया अपन घर गेलै । ओ अपन बेटी अलकाके कहै छै जे एकदिन ओहो अपन घर चलि जेतै । रहिमके परिवारके लोकसभ रहिम लेल चिन्तित छै । ओकरासभके अन्देशा छै जे कहीँ जनार्दन अहिबेर फेरसँ रहिमके ठगि लेतै । रहिमके नोकरी आ विदेशमे ओकर हालतके लऽ कऽ मुस्तकिम, करिमा आ रुकैया परेशान भऽ जाइ छै । की सचमे जनार्दन फेरसँ रहिमके ठकतै ? बिन्देसरके व्यवहारके शिल्पा पर केहन असर परतै ? सुनु हिलकोरक अगिल्का अङ्कमे ।

 

 घरमे बाल गोपालके अबैया छै कहिकऽ राम बहुत खुश छै । ओ सम्तोलीयाके बाल गोपालके अबैया पर बक्सीस देबऽके बात करै छै । राम सम्तोलीयाके बियाहल बेटीके नैहर नइ रहबाक चाही कहिकऽ समझबै छै । लेकीन सम्तोलीया नइ जेबाक जिद पकरै छै । कृष्णा सेहो सम्तोलीयाके बातमे समर्थन जनबै छै । जयराम सम्तोलीयाके खाना परैस देबऽ लेल आवाज दै छै । सियाबती जयरामके याद दियबै छै जे सम्तोलीया नैहर चलि गेल छै । सियाबती पुछै छै जे सम्तोलीया अपन बाबुसऽ पैसा लेल बात केलकै की नइ । जयराम कहै छै जे सम्तोलीयाके बाबु लङ पैसा रहतै तहन ने देतै । शिल्पाके दाईके मोन खराब छै । शशिकला शिल्पाके फोन कऽ कऽ दाईके देखऽ आबऽ लेल कहै छै । लेकीन शिल्पाके साउस बुधनी शिल्पाके जायसँ मना कऽ दै छै । की शिल्पा अपन दाईसँ भेट करऽ जेतै ? की जयरामके मोन सम्तोलीया लेल पिघैल रहै छै ? सम्तोलीया अपन सासुर पिपहिया जेतै ? सुनु हिलकोरक अगिल्का अङ्कमे ।

 

जयराम आ उदगार सँगे बैसकऽ पी रहल छै । दुनु परेशान छै आ एक दोसरसऽ अपन अपन परेशानी बाँटि रहल छै । इम्हर विदेशमे रहिमके साथीसब आनन्द आ बिनित सेहो अपन रुममे बैसकऽ पिबैत रहै छै । ओसब रहिमके सेहो पिबऽ लेल कहै छै लेकिन रहिम हम नइ पिबै छी कहिकऽ मना कऽ दै छै । रहिमके दुनु साथी नयाँ देश आ ओतऽके लोकसबके बारेमे कहै छै । झलक रधियासँ भेट करऽ रधिया ओहिठाम गेल छै । सम्तोलीया सेहो ओहिठाम छै । तीनु बतियाइ छै । झलक किछु परेशान रहै छै । रधिया आ सम्तोलीया झलकके उदासीके कारण पुछै छै । झलक उदगारसँ भेल बहसके बारेमे कहै छै । रधिया उदगारके नाम सुनिकऽ हैरान रहि जाइ छै । ओ झलकसँ पुछै छै जे उदगार आ झलकके सम्बन्ध केना सम्भव छै ? की सचमे झलक आ उदगारके सम्बन्ध सम्भव नइ छै ? रहिमपर ओकर साथीसबके सङतके असर पडतै ? जयराम आ उदगार किया परेशान छै ? सुनु हिलकोरके अगिल्का अङ्कमे ।

रहिम विदेश पहुँचि गेलै । ओकरा जाहि कम्पनीमे काज करऽ के छै ओत्त अपन गामक साथी बिनितसँगे छै । सुपरभाइजर रहिमके काज आ कम्पनीके बारेमे कहै छै । बिनित रहिमके अपन दोसर साथी आनन्दसँ भेट कराबऽ लऽजाइ छै । शिल्पा आ बिन्देसर एक दोसरके अपन अपन शिकायत सुनबै छै । शिल्पा बिन्देसर दुनु एक दोसरसऽ खुश नइ छै । उदगार अपन प्रेमिका झलकसँगे रोमान्टिक रहै छै । ओ ओकर सभक सम्बन्धके किछु आरो आगा बढाबऽ चाहै छै । ओ झलकके नजदीक होबऽ चाहै छै मुदा झलक मना कऽ दै छै । अहि कारणसँ दुनुमे तनाव भऽ जाइ छै । झलक आ उदगारके सुमधुर प्रेम सम्बन्ध अहिना रहतै या अहिमे किछु बदलाब एतै ? शिल्पाके बातसबके बिन्देसरपर किछु असर हेतै ? रहिमके सपनासब अहि बेर पुरा हेतै ? सुनु हिलकोरक अगिल्का अङ्कमे ।

शशिकला शिल्पाके अवस्थाके लऽ कऽ चिन्तित रहै छै । काशिराम शशिकलाके चिन्ता नइ लेबऽ लेल कहै छै । शशिकला काशिरामके फेरसँ कहै छै जे अगर शिल्पाके किछु भेलै तऽ ओ काशिरामके माफ नइ करतै । सम्तोलीया अपन नैहर नरेनपुरमे छै । सम्तोलीया अपन भौजी रधियाके घरक काज सबमे सहयोग कऽ दै छै । सम्तोलीया रधियाके जाबेत ओ छै ताबेत बेसी काज नइ करऽ लेल कहै छै । इम्हर सम्तोलीया जयरामके गल्तीके लेल कहियो माफ नइ करतै सेहो कहै छै । रधिया सम्तोलीयाके समझबै छै आ कहै छै जे परिवारमे ई सब होइते रहै छै । रहिम विदेश जाए लागल छै । रहिमक निर्णयसँ करिमा खुश नइ छै । ओ अन्तिमो क्षण धरि रहिमके नइ जाएलेल कहै छै लेकीन जनार्दन रहिमके निर्णयके समर्थन करैत विदेश जाएके निर्णय उचित छै से कहै छै । की सम्तोलीया जयरामके माफ कऽ कऽ फेरसँ पिपहिया जेतै ? रहिमके अहिबेर विदेशमे नीक काज भेटतै ? सुनु हिलकोरक अगिल्का अङ्कमे ।

 

 

 

Episodes: